Rreth 30 nga 100 pjesemarresit ishin femije, nxenes qe ndjekin aktualisht Akademine dhe te tjere qe shpresojne te behen pjese e saj ne shtator

Rreth 100 pjesetare te komunitetit shqiptaro-amerikan moren pjese me 4 korrik ne nje piknik me rastin e festes kombetare te Amerikes, i pari i ketij lloji i organizuar nga Akademia Shqiptaro-Amerikane ne Uashington. Pikniku u organizua ne nje nga parqet buze lumit Potomac, prane Fletcher Boat House. Pikniku ishte nje shans per te kaluar disa ore te kendshme ne shoqerine e njeri-tjetrit, per t’u shperndare deftesat per vitin qe sapo u mbyll 12 nxenesve te Akademise dhe per te pranuar 23 anetare te rinj ne Akademi. Mes ketyre anetareve ishin prinder te femijeve qe do te marrin pjese ne shkolle duke filluar nga shtatori. Dy mesueseve iu dha nga nje dhurate e vogel si shenje mirenjohje per punen e mire te bere gjate vitit te kaluar.

Prania e rreth 30 femijeve dhe interesi i prinderve te tyre per Akademine jep shpresen per nje vit te mbare dhe te frytshem shkollor per vitin 2007-2008, ku nxenes te rinj do te behen pjese e familjes se ASHA-s, si per te mesuar gjuhen shqipe, ashtu edhe per te krijuar lidhje miqesore me femije te tjere me te cilet i bashkojne lidhjet me boten shqiptare.

Kuzhina e pasur shqiptare me kontribute nga anetaret e Akademise dhe pjesemarresit e tjere i dha nje karakter edhe me te ngrohte piknikut, i cili kishte karakteristiken qe e dallon Akademine qe nga krijimi i saj: marredheniet shoqerore mes pjesemarresve te saj, gje qe transmetohet menjehere edhe tek ata qe duan te afrohen, apo te behen pjese e saj.

Fakti qe nje organizate qe nxit mesimin e gjuhes shqipe organizonte nje aktivitet me rastin e dites kombetare te Shteteve te Bashkuara, sherben edhe si metafore per bashkejetesen e respektit ndaj vendit ku jetojme dhe nderimit e mbajtjes gjalle te trashegimise sone kulturore.

Jo shume kohe me pare, Akademia zhvilloi nje aktivitet tjeter, ate te festes se abetares, qe u ndoq gjithashtu me interes nga komuniteti ne pergjithesi dhe nga ata qe duan te behen pjese e saj ne vecanti. 4 korriku ishte nje konfirmim i seriozitetit te kesaj shoqate tashme te konsoliduar dhe angazhimit te saj per arritje te shkelqyera dhe krijimit te lidhjeve te ngrohta mes anetareve dhe bashkepunetoreve.